حب الجامعه

[b]طبعا كلنا في جامعات وعارفين ايه اللي بيحصل فيها
انا ماقصدشي حاجه لا سمح الله انا بس عاوز اعرف اللي مش عارف وافكر اللي مش فاكر
الولد من دول اول ما يخلص الثانويه العامييه وخلاص داخل الكليه بقي يا سلام عليه
عمل اللي محدش عمله تلاقيه ولو في اول يوم يصحي من النوم يافتاح يا عليم يا رزااق يا كريم اصتبحنا وصبح الملك لله وحدووووه بعد كده يقوم خابط وشه بشويه ميه من غير صابون ولا غيره
صابون مين يا عم احنا بتوع الكلام ده
ويروح يلب الهدوم بتاعته في اربع دقايق
اربع دقايق بالظبط ماشي يا بنات ها علي ماتتكحل العمشه هههههههههههاااااااااي
بعد كده اول ما يدخل برجليه بوابه الكليه اول حاجه يفكر فيها ازاي يعرف بنات اللي هم انتو يعني المهم
يدخل يقعد في المدرج ويقعد علي البنش ويقعد بقي بشيرز امه ده ويقعد يقول في سره يارب بنت اللي تيجي تقعد جنبي ياااارب
واول ما ولد يجي يقرب منه علشان يقعد في المكاان الفاضي اللي جنبه تلاقي صاحبنا ده راح قاعد بالعرض
اما لو بنت تلاقيه راح متاااااخر جوي 2 متر وده يدوب بس علي ما تقعدي
وبعد ما تندبي يا معلمه تلاقي نفسك قاعده في حته 2 سم و هو خلاص هيلزق فيكي
يقوم المعلم التاني بقي هيعيش الدور عليكي
تلاقيه مطلع التليفون بتاعه ومشغل تامر حسني وقاعد يسبل وهو اصلا شاريه بالقسط وطلعان عين اهله
وفي وسط المحاضره
لو سمحتي ممكن ألم
انتي طبعا هتتطلعي الالم وتديهوله
واتاري المعلم كان عينه من الالم هههههههههه
ياخد الالم وما يكتبشي بيه اي حاجه
واللي يغيظ اكتر تلاقيه ان المحاضره تخلص وما يرجعشي الالم
بس ده معلم هو انتي هتاخديه كده بالساهل
تخرجي بره المدرج وتلاقي واحد جاي يجري وراكي
لو سمحتي لو سمحتي
الالم بتاعك طبعا سيادتك هتقوليله متشكره
يرد هو متشكره علي ايه انا اللي متشكر جدا وتلاقيه يحرجك بقي ويروح قايلك انا اسمي كذا
علشان انتي تقوليله اسمك
وطبعا هتندبي وتقوليله انا اسمي فتكات
وخلاص بقي كده اتعرفتوا علي بعض يعني بقيتوا صحاب
هههههههه والله عمري ما شوفت صحاب كده يالا المهم
يعدي يوم وري يوم ومحاضره وري محاضره والمعلم عمال يلزق اكتر
ويوم تلاقيه جاي يقولك
انا عاوز اقولك حاجه مهمه اوي
انتي طبعا تقوليله اتفضل قول هو يرد
يعني ...... كنت عاوز اقول يعني ..... ان ساعات كده الواحد يعني بيحس انه........ وعلي فكره انا اصلا.....ومش عارف اقولك ايه ويعني انا اصلي.......
وانتي كل ده واقفه وما نطقتيش والمعلم وشه احمر احمر احمر ومش قادر
وانتي مع انك فهمتي هو عاوز ايه بس هتستعبطي بقي
يا كذا انت عاوز تقول ايه يرد هو ب وش امه اللي بقي عامل زي الفراولايه
انا بصراحه كده يعني .... مش عارف اصل .....اانا وانتي يعني ........
وانتي زي مانتي واول مايلاقيكي هتزهقي يخاف تسيبيه وتمشي
يقوم قايلك اصل انا معجب بييكي وكلمت ماما عليكي وانتي انسانه محترمه
انتي بقي تلاقي الابتسامات الخفيفه ظهرت علي عنيكي
و مع انك مش حاسه اي حاجه من ناحيته
الا انك تقولي في سرك اهو لطخ يصرف عليا لحد ما اخلص ولا ايه ههههههههاااااي
وبعد كده خلاص بقي المعلم فاكر انه كده امتلكك وهو برضه في سره(الغبيه فاكراني بحبها)هههههههااااااي
وتفضلو مع بعض تفكوا من المحاضرات
تضربوا شيشه تروحوا سينما كله ماشي ولا اييييييييييه
و هو قاعد معاكي يقولك
والله يا حبيبتي انا حلمت بيكي امبارح وحلمت اني ماسك ايدك الشمال هههههههه
وانا وانتي خلاص اتجوزنا وبقي عندنا ولدين وبنت نور وانور ونوره
وانا مش قادر استغني عنك ومش عارف ايه وهو اصلا حلم انه خبطها عرزه في دماغها الكبيره دي هههههههااااااااي
وهي ترد
والله يا حبيبي انت مش عارف غلاوتك عندي اد ايه ولا عند ماما والله يا حبيبي مش علشان حاجه بتجيبهالي لا والله ده رباني كده وانت بالنسبالي حاجه كبيره جدا جدا
وفي سرها بقي
( جاتك الارف وانت شبه الدكر البط) ههههههههههه
والمعلمين يفضلو علي كده لحد رابعه كليه
يجي بقي في رابعه
تلاقي المعلم بيهرب مره واتنين وثلاثه وهي اصلا بتكون فرحانه
لحد ما بعدها بشويه تلاقي المعلم ده جايلها يقولها
احنا مش هينفع نكمل مع بعض
لاني لسه مش عارف الشغل ازاي
ولسه علي ما اسافر واكون نفسي
ومش عاوز اظلمك معايا
والاسطوانه المشروخه دي
ولو البنت اللي بدأت بالفشكله
تلاقيها جايه تقوله
احنا مش هينفع نكمل مع بعض
انا جايلي عريس
وهو جاهز وما يتعيبشي
وبابا وماما ضاغطين عليا اني اوافق
وماما بتقولي اللي في سنك اتجوزو وخلفوا ههههههههههههههههههههههههههههههه
والمعلم ما يصدق
لو العريس ده كويس اوعي تضيعيه من ايدك ولو مش كويس برضه استحمليه هيجري ايه يعني لو استحملتيه عادي
ههههههههههههههههههههههههههههه
وأدي يا حبيايبي حب الجامعات هههههه
ايه رأيكم حاجه تشرف صح ؟؟؟؟

وعلي فكره يفسر هذا الذي يحدث بين البنت والولد في الجامعه انه نتيجه لما يراه كل من الجنسين من الاختلاط بين الولاد والبنات وعلشان كده بيكون كل جنس مهتم انه يعرف اكتر ويعيش مع الجنس الاخرويهتم بيه بشتي الطرق محولا جذب انتباهه

وعاوز اعرفكم ان مش كل حب الجلمعات كده يعني فيه اللي يحب بجد واللي يقدر حبيبه ومايقدرشي يستغني عنهم يعني ما تاخدوش العاطل في الباطل وحاولو تعرفو وتفرقوا بين الاتنين وان شاء الله ده هيكون موضوعنا الجاي

واخيرا


الى كل روميو و جولييت من طلاب الجامعات الباحثين عن الحب.

الى كل روميو و جولييت من طلاب الجامعات الباحثين عن الحب..

ياريت تقاوموا مشاعر الميل الى الطرف الآخر وتحكموا عقولكم قبل الاندفاع الى الحب..
الحب..
الذي يؤدي الى جرح قد لا تمحـــــوه الأيــام
لازم تفكر شويه بالعقل وبلاش نندفع ورا العواطف والمشاعر
انا بفضل ان يكون اول واحد فى حياه البنت هو زوجها يااااارب كل البنات تكون كده وبلاش الحب اللى من النوع ده

المشاعر حاجه غاليه اوووووى مفيش واحد يستحقه الا الزوح وبس عشان يكون هو اول واخر واحد فى حياتك

وشكرا
تقبلو تحياتي
مدير المنتدي : منير علم الدين

ده نصيحة كويسة جدا لإخوتنا البنات

لكن

خير الكلام ما قل ودل

موضوع فوق من رائع يا منير فعلا وزى ما انت بتقول انه مش كله من النوع ده وبردوا مش كل البنات ولا الشباب بيبقوا داخلين الجامعة علشان الضحك على البنات والنظام ده بالعكس فى بنات شباب بيقوا فعلا مهمتين بدراستهم ويعاملوا البنات كاخوات ليهم .
ومعاك ان البنت مش اى حد يقولها كلمة حلوة تصدقة وتقع عليه او تضحك عليه علشان المشاعر فعلا غالية اوى والمفروض ما حدش يستحقها غير زوجها فى المستقبل وبردوا فى حكمة بتقول كما تدين تدان وده للبنت والولد .

انا معاك في الموضع دا بجد هو مهم جدا لان هو دا البحصل بس الاقدر ال ناخد بالناوانا بشكرك