اشعار عن حبيبه قلبي

[ندعوك للتسجيل في المنتدى أو التعريف بنفسك لمعاينة هذه الصورة][/b]
فيالاول عاوز اقولك وحشتيني
يا اغلي من نفسي يا نور عيني
عمري ماهأسامح نفسي لو ضعتي مني
العمر هأعيشه حزين لو فضلتي بعيده عني
أكتر من كده مش هأقدر علي الفراق
عايش حياتي بحب ووحشه واشتياق
باعترف اني غلطان لما تيجي سيرتك
باعترف اني ندمان علي اني خسرتك
صدقيني مش قادر ابعد يا حته مني صدقيني
وافهميني في بعدي عنك ضايعه مني سنيني
من بعدك الحياه بقت عذاب
ماكونتش فاكر اني هأتعب في الغياب
صدقيني لو بتحبيني فكري علشان تحسي بيا
صدقيني لو بحبك تعالي هتلاقيني باين عليا
مبأتشي عارف مين الحبيب ومين الصديق
توهت عن العالم وتوهت عن الدنيا وضللت الطريق
ياحبيبي لو حبيبي ارجع ليا ده انا عايش مستنيك
ياحبيبي لو حبيبي فكر فيا هتلاقيني بموت فيك
عايش حياتي مش شايف النور والاسم منير
,اسيب العالم وانسي نفسي ولا انساكي يا هدير
صدقيني عمري كله انا واهبه ليكي
بحس بضعف قلبي وانا واقف بين ايديكي
لقيت نفسي في قربك مني
كرهت نفسي في بعدك عني
غبتي ليه وبعدتي ليه وانتي عارفه اني بحبك
بتحاولي تباني انك نسياني وانتي دايسه علي قلبك
مش هألوم عليكي ولاهألوم عليا ولا علي اي انسان
هألوم ع الدنيا اللي بتستخسر فيا الفرحه وسيباني في بحورها غرقان
مش هأقولك ابعدي ولا هأقولك ارجعي ونفسي لوحدك تعمليها
قالو عليا اصحابك كلام وافتكروا اني كنت بالعب بيكي
كنت فاكرهم فاهمني لكن للاسف ما يعرفوش اني بموت فيكي
ذموني بالكلام وكنتي سيباهم
عملو فريق ضدي وللاسف كنتي معاهم
لوقدرتي خلاص تبعدي صدقيني مش هأعارضك
هأبعد عنك خلاص ولا رجلي تلمس ارضك
عاوز أقولك اني لاعرفت ولاعارف انساكي
حاولت انكر حبي مع اني باتمناكي
لو نسيتيني انسيني بس في اللي هاقوله اوعي تكدبيني
انتي اول حب وانتي اخر حب وياريت تصدقيني
سؤال بأسأله ومش لاقي ليه جواب
ياتري مين فينا الصادق ومين فينا الكداب
لوفعلا بتحبيني ماكونتيش بعدتي ولو ثواني
ولو فعلا ما بحبكيش ماكونتش رجعتلك تاني
حاسس انك نسيتيني وابتدا عندي العذاب
نسيتيني وكنت عايش عندي امل كداب
وافتكري وعد بينا لما قولتلك مهما عملت ماتسيبينيش
ياللي بتحبي اللي يحب ما ينساش الوعد ويقدر بعده يعيش
مستغرب ياللي بتحبي من بعد ما بان ليكي ضعفي
ازاي شيفاني ضعيف وبرضه مابقتيش في صفي
للأسف باعلن يأسي وبعدي عن كل الناس
وأنتي ابعدي زي مانتي ودوسي علي الحب والاحساس
وياريت لو سألوكي ما تقوليش عليا غدار
وافتكري اني جيتلك وقولتيلي انا خدت قرار
زي ماتكوني ما صدقتي لقيتي قلبي غلطان
وقولتي هأبعد عنه وتبقي جات منه ,اقول مالهوش امان
ياحب عمري يا نبض قلبي ابعدي اكتر كمان
مايهمكيش عذابي دوسي ولا يهمك اي انسان
اما انا والله هأخليكي ترتاحي
خارج من حياتك خارج بجراحي
وسلميلي علي قلبك اللي كان معايا لانه وحشني
وقوليله ان الحب مش نجاح يا رسوب
قوليله ان الحب لازم يغطيه تسامح القلوب
وحياه القلوب المشغوله والقلوب الخاليه
سلميلي علي اجدع بنت صاحبتك داليا
سلميلي عليها اوي سلميلي عليها بحراره
واوعي تنسي كمان اميره القلوب ساره
قوليلهم انهم وحشوني بس جمعنا مبقاش بايدينا
بدعيلك تنسي وهأحاول انسي ويارب نسينا
ده انا لاعمري أذيت ولا حتي خونت وديما باكون مظلووم
حياتي كلها جراح ولا يوم فرحت ولا يوم
فكرت كتير ومن غير تفكير اكيد الغربه اولي بينا
مستغرب منك يا زمن ازاي الغربه احن علينا
تتهز الجبال ولا اتهز وبعدك عني هزني
حبيبتي خلي بالك علي نفسك ده حياتك يا عمري تهمني



وشكرا

مهداه الي اغلي واحلي واجمل وارق وانعم وافضل واحسن واطيب وأصفي وأءدب بنت في العالم كله



وبجد بجد كل كلمه من كلماتي هذه خارجه من داخل اعماق قلبي يا ملكت قلبي

وبقولك

اسف علي كل دمعه نزلت من عيونك تجري علي خدودك بسببي
اسف علي كل لحظه ضيق مرت عليكي بسببي
اسف علي كل غلطه غلطها معاكي
اسف علي كل كلمه غلط طلعت مني ليكي
اسف علي كل لحظه احتجتيلي فيها وماكونتش جنبك
اسف علي كل جرح جرحتهولك
اسف اسف اسف اسف سا نور عيني يا اغلي من كل سنيني بجد بجد وحشتيني

وشكرا

امضاء مدير المنتدي : منير علم الدين
[ندعوك للتسجيل في المنتدى أو التعريف بنفسك لمعاينة هذه الصورة]








بجد محتاجلك دلوقت اكتر من اي وقت





[ندعوك للتسجيل في المنتدى أو التعريف بنفسك لمعاينة هذه الصورة]




كل ورده وفيها شوكه
انتي الورده وانا اشواكك
مش مهم
المهم ما نفترق
وشكرا
تحياتي لكم
منير علم الدين

معقول فى الزمن اللى احنا فيه ده ولسه فى حب حقيقى لو انا منك يا هدير اتمسك بيه واحافظ عليه جدا وهو كمان ييحطك فى عنيه ربنا يسعدكوا كلامك جامد اوى والله هعيط