[b][size=18]
طبعا كلنا شباب زي بعض وعارفين ايه للي اي شاب بيحبه
النهارده هنتكلم عن اللعبه اللي معظم الشباب بيحبوها وبيلعبوها
وبصراحه كده كلامي هيكون بسيط جدا علشان يصل لعقولكم بسهوله
كتير مننا بيلعب كرة القدم بس مش بيتقنها
وكتير بيلعبها بس بيتعب بسرعه
وكتير بيلعبها بس يدوب فرايحي كده يعني كماله عدد
بصراحه انا واحد من الناس اللي عاشق اللعبه دي بحبها جدا جدا وانا حريف جدا جدا جدا
بس طبعا ماتولدتش حريف ولا اتولدت في ايدي كوره
بالعكس طول عمري زمان كنت اتمني اني العب كوره كويس
ودلوقتي بفضل الله ربنا موفقني فيها
وعلشان كده مش عاوز ابخل عليكم بشويه نصايح هتفيدكم جدا
هي ممكن تكون مش نصايح قيمه بس بجد لو عملتم بيها هتحسو بالفرق
اولا
طبعا لما بنيجي ننزل الملعب بتكون نازل علشان تلعب وتجري وتروح وتيجي
معني كده ان ده بذل جهد ولا اييييييه
فيه كتير مننا لما بيبذل الجهد ده بيتعب بسرعه
تعرفوا ده من ايه
ممكن لو سألت حد عادي
او حتي حد شافك وانت تعبت بسرعه كده هتلاقيه يتريق ويقول ده من السجااااير
وواحد تاني يقول ياريت علي أد السجاير ده هتلاقيه بيشرب بانجو
والتالت يرد يقول ده من ال ..... هههههههه مش عاوز اكمل افهمو انتوا بقي
المشكله انك ممكن تكون لا بتشرب سجايو لا بانجو ولا غيره من الحاجات التافهه دي
بس الناس ليها الظاهر
تعرف بقي يا كابتن ده بيكون من ايه
ده بيكون من عدم التعود
عارف يعني ايه
يعني تبص تلاقي سيادتك مريح طول الاسبوع وتيجي تلعب كل يوم جمعه بس
و ده السبب
السبب انك بتكون طول الاسبوع مريح جسمك وعضلات جسمك علي الاخر ومش معودهم علي بذل مجهود كبير
علشان كده اول ما بتيجي تجري دقيقه او اتنين الي 7 دقايق تلاقيك تعبت
و ده علشان التشغيل المفاجئ لعضلات الجسم
والسرعه المفاجئه في الدوره الدمويه واللي ممكن تسبب كرشه نفس
وهو ده السبب يا معلمين مش اكتر
طيب و الحل
الحل
انك لازم تجري مرحله الاحماء اي التسخين واللي بيبدأ بالمشي السريع
ثم الجري البطيء ثم الجري السريع والدوران عند اشاره المدرب
وتقوم بتحريك كل عضلات جسمك ببعض التمرينات البدائيه العاديه
ولازم يكون تدريجي
يعني مش اول ماتيجي تسخن تلاقيك نازل تجري بسرعه لالالالا مش كده
لازم الاول تبقي جاي تصاعدي كده مع نفسك
خلصنا وعالجنا كده مشكله سرعه الارهاق
نيجي أثناء الماتش
عاوزك اذا كنت بتلعب مهاجم
لما تيجي ليك كوره انفراد لازم تحط في دماغك حاجه مهمه جدا
لازم لما تيجي تشوط الكوره بلاش انك تبص للمكان اللي هتشوط فيه الكوره ولو حتي كانت لمحه بسيطه
لان اول مكان هيترمي فيه الحارس هو المكان اللي هتبص عليه
وتبقي كده ضيعت هدف مؤكد
يا جماعه دول كانوا نصيحتين صغيرين فعلا بس بجد ممكن يعدلوا معاكم حاجات كتيره جدا
وتأكدو ان كتره معاشره الكوره هي اللي بتخلي اللعيب يقدر يحكمها
وفي الاول والاخر لازم تكونوا بتحبوا الكوره علشان هي كوره مش علشان شهره ولا فلوس ولا كأس ولا غيره
وحاول ديما لو شايف انك بتحبها يبقي ما تسنهاش علشان تفضل محافظ علي مستواك ولياقتك
ومين عارف بكره فيه ايه
واي استفسار
سيبوا ردودكم
وشكرا
مدير المنتدي منير علم الدين
[ندعوك للتسجيل في المنتدى أو التعريف بنفسك لمعاينة هذه الصورة]وشكرا لكم يا اجمل اصدقاء في الدنيا