في ناس بتحلم احلام بسيطه احلام صغيره
يكون قلبهم سعيد ولا تعيش روحهم متحيره
لكن كل احلامهم ضايعه هنا وهنا متنطوره
وياما كتير غيرهم احلامهم برضه بسيطه
وري اكل العيش بيجرو علان فلوس عبيطه
ولما ياخدو كل فلوسهم عليها ما بيكونو حويطه
عاوزين بس يعيشو يومهم وفي بكره يفكروا ليه
وامبارح بقي ماضي خلا راح هو واللي فيه
ناس شأيانه لكن برضه قلوبهم صافيه
مش بيقولو غير يارب رزق حلال وشويه عافيه
اقعد معاهم ارتاح اسلم عليهم احس باحضان دافيه
ناس تقابلها تضحك في وشك ولو كنت ماتعرفهاش
وفي كل ازمه واقفين جنبك ولا تلاقي منهم واحد مجاش
لافيهم واحد كداب ولا واحد كلمنجي ولا واحد غشاش
لكن الدنيا معانده معاهم ومدياهم ديما ضهرها
عامله زي العروسه اللي الشقي والتعب مهرها
مهو صدق اللي قال دنيا زي الخياره
يوم يزوروك مريض ويوم تروحلهم بزياره
ايام تكون حلوه وايام تتملي مراره
هي دي حياتهم من يوم ميلادهم لحد ما يموتو
مهو ربنا كاتبلهم كده في الشقي ايامهم يفوتو
ينادي افقرهم يقول ياااااارب ويصرخ باعلي صوتو
يارب اشملني برحمتك وخليني انول جنتك
واجعل يارب اخرتي تكون مشموله بتوبتي
ولا تخسرني الجنه يارب زي ما خسرت دنيتي
يارب اديني الصحه وارزقني برزق عيالي
وباركلي يارب في زوجتي حبيبتتي وحلالي
وولدي يارب اسعده ده روحي وقلبي وحبيبي
واجعل يارب في الدنيا نصيبه احسن من نصيبي
يارب ده كل املي يارب ماليش غيره
يارب نفسي يكبر ويعوضني واعيش من خيره
يعوضني ليالي الشقي والبعد والترحال
ويفضل ديما يارب من حال لاحسن حال
ويكبر الولد بعد مرار الايام ومرور الزمان
يدخل ابتدائيه واعداديه وثانويه وكليه كمان
ويقولوا ذاكر يا ولدي هانت كلها فركه كعب
يتخرج الصبي ويصبح حاله من حال كل الشعب
أديني ذاكرت يا ابويا ومعايا كليه هندسه
عاوز اشتغل بقي افيد بلدي واستفاد
وابوه الحياه علمته مهي الحياه مدرسه
كان بس بيصبر نفسه ويقول بكره لما يكبر الواد
وأدي الواد كبر ولا حاج ليه اتحققت
هتتحق ازاي بس وابوه كان فقير
مهو اصل الدنيا خلاص اتشققت
ان الغني يفضل غني وابن الوزير يطلع سفير
وناس تانيه غيرهم حلمت بفيلا وعربيه
ولقت بدال العربيه اتنين
وحلم ناس تانيه لقمه ومتوي وجلابيه
ولا لقوا ده في حياتهم وعاشوا عمرهم عريااانيين
حكمتك يارب يا صاحب الحكمه
يارازق العصفور برزقه وفي كل مكان انتشر
انت واهب كل نعمه وكل نقمه
ولا في نقمه منك تضر واحد من البشر
امضاء
شاعر بقلوب الناس
منير علم الدين[b]
